الجـــــــــــوف

قلت اكتبك في دفتري شعر يالجـوف
ورحت اكتبك احلى بلد واجبر القـاف
يااجمل من الموال في صوت وسوف
واجمل بعد من شعر (حامد وغرياف)
يافارق(ن) بالوصف عن كل موصوف
يافايق(ن) يافايق(ن) كل الاوصـاف
على بلاد الارض يالجوف بك نـوف
وفي ساحتك للمجد صولـه وميقـاف
مسجد عمر تاريخ سطرلـك حـروف
مجدك وتاريخـك تناقلـه الاسـلاف
وفي جوبتك عز ومعـزه ومعـروف
وياغطرفتلك دومتـك ينطنـخ كـاف
وفي وادي السرحان تثنيلك سيـوف
ويرسي حصن مارد ذرا كل من خاف
ربعك هلك ياطيبهـم ابيـض كفـوف
وراياتهم بيضا علـى كـل مشـراف
من طيبهم ببيوتهم صـاروا ضيـوف
وضيوفهم صاروا معازيب(ن) خفـاف
ترحيبهم ماشفـت مثلـه ولاشـوف
ووجيههم تضحك على صدق وانصاف
هـلا هـلا ياكنهـا طـق بدفـووفي
طربلهـا قلـب المسيـر لياضـاف
ويوم المراجل دونها قصف وحتوووف
رجالهم يقلط علـى الـف مزهـاااف
وفي قربهم ياصاحبي أزهل الخـوف
أبشر بعزك حلفهـم غيـر الاحـلاف
ومثل حلا الحلووه حلاهم هل الجوف
وراياتهم بيضا على كـل مشـراااف



الشاعر علي العاصي