مسافر مع الدنيا..

أنا مسافر مع الدنيا ولا أدري وين تاليها....
ولا أدري وين تبحربي بهالمرة مراكبها...
نعم قالوا يا ابن آدم تحرص من بلاويها...

ترا أحسن تهملها وعن دربك تجنبها....
وأنا واعي شنو باجر وشنهوا لو أخاويها....
وأنا عارف ياكثر اللي تجرح من مخالبها...
بخليها على الراحه وأنا صادق بخليها...
مع أني داري عنها كل سوايها وعذاربها...
بسايرها ومدحها وبأحلى كلمة أغريها...
وأفهمهاأنا اللي كم تمنى بس يكسبها...
وأنا والله ماودي في كل شي أجاريها...
وأحاول أكتم الحرة وأبين إني صاحبها...
إلى أن ألقى هذاك اليوم وأبرد حرتي فيها...
وأعلمها شنو الإنسان إذا عزم يحاربها...
حشا مرجع لماضيها ولا أتبع خطاويها...
وأنا أرفض إذا قالوا مكنت أغلى حبايبها...
وإذا حجت حجايجها....
أنا أول من يبديها....
ولا أقدر أضيع أي فرصة كنت حاسبها....
خلاص اليوم من حقي ترفعلي أياديها....
حلفت الله وحق الله لعلمها وأدبها....
هذاك أول تمشيني وجا دوري أمشيها...
وقالوا ميزت الشاطر يضحك في عواقبها....
أنا مسافر مع الدنيا ولا أدري وين تاليها....