منتديات قصص الحب
مرحبا بكم في منتديات قصص الحــب

نتمنى لكــم اجمل الاوقات ويشرفنا ويسعدنا تسجيلكم وانظمامكم لأسرتنا

اشراف على القسم الا تبيه بعد وصولك 50 مشاركهـ يحق لك الاختيار
أدارة المنتدى



 
الرئيسيةشبكة قصص الحباليوميةس .و .جبحـثالأعضاءالمجموعاتالتسجيلدخول

شاطر | 
 

 عرفتوا يابشر هالحين ليه الدمع في عيني..

اذهب الى الأسفل 
كاتب الموضوعرسالة
قصص الحب


avatar

عدد المشاركات : 232
تاريخ التسجيل : 11/07/2011

مُساهمةموضوع: عرفتوا يابشر هالحين ليه الدمع في عيني..   السبت يوليو 16, 2011 8:18 am


كثير من البشر يسال عن اسباب الحـزن فينـي
وكثير من البشر وده يعرف بدنيتـي وش صـار
وعلام اللي يقابلني يشوف الدمـع فـي عينـي
وانا توي صغير السن حزيـن وشـارد ومنهـار
انا بحكي بقول الحين عن اللي صار فـي سنينـي

ولكن قبل لا اتكلم ابيكم تحكمـو يـا اخيـار
تعالو واشهـدو يانـاس تعالـو طالعـو فينـي
تعالو شاهدوا جسمي غدى ناحل وعقلي طـار
انا مانـي تـرى مدمـن ولا ضاعـت ملايينـي
وربي يابشـر حالـي سبايـب وقتـي الغـدار
تعالو واسمعوا منـي وش اسبـاب الحـزن فينـي
وشنهي سبة دموعي وش اللـي بدنيتـي اسـرار
يتيمٍ ايه انـا عايـش00 يتيـم محـدٍ يراعينـي
ولحدٍ عني جاء يسـأل وحيـدٍ جالـسٍ بالـدار
يتيـمٍ مافـي بالعالـم رحـومٍ جـاء يواسينـي
يتيمٍ عايش بحسـره وضيقـه عيشتـي امـرار
يتيمٍ فـي نهـار العيـد محـد جانـي ينادينـي
يقول لي خذ حلاو العيد زمانٍ كنا فيـه صغـار
يتيمٍ صـاح ياموتـي رجيتـك رجـوه تجينـي
يومٍ استاذي قال بكره يجـون ابائكـم ياصغـار
شهادتكم تـرى بكـره وابوكـم لازم يجينـي
بسلمها انا بيده وشهـادة شكـر مـع ازهـار
وجاء بكره وجيت امشي ولحدٍ ماسـك ايدينـي
ومن أي طالب دخل ماسك بدين ابوه صرت اغار
وكنت الاول ولكـن دموعـي كانـت بعينـي
نزل دمعي وسط حفلٍ كبير وحاضرينـه كثـار
مقصر زادها الاستاذ مـا بـارك صـار يعزينـي
شهاده كانت بيدي احسهـا جمـرة مـن نـار
ترى هذا سبب واحد من اسباب الحـزن فينـي
يكفي يابشـر ولا اكمـل وافشـي الاسـرار
ابحكي عن سبب ثاني سبـب زاد الحـزن فينـي
حبيبٍ مـت فـي حبـه ولكنّـه طلـع غـدار
انا رغم اليتم حبيـت عشقـت بكـل مافينـي
عشقت وكنت له وافي واذا اخطأ اجيب اعـذار
انا حبيت لي شخـصٍ عشقتـه عشقـي لعينـي
وهو حبني واقسم لي بـرب المصحـف الجبـار
انا صدقـت حلفانـه وهقيـت انـه بيغلينـي
ومثل ماني احبـه مـوت توقعتـه يجينـي بـار
ولكـن خيّـب ظنونـي توقعتـه بيحميـنـي
توقعته حبيبي يكـون ولكـن صاربـي غـدار
اثـاري كـان يتسلـى ووقتـه يضيعـه فينـي
وانا اللي أحّسبه يحبني واحسبه حاط لـي مقـدار
قطع في طعنته اخـر عـروق الفرحـه بسنينـي
وزاد الحزن فـي قلبـي وخلانـي اعيـش بنـار
خدعنـي ونيتـه ينهـي حياتـي وده ينهيـنـي
وعجزت اخذ بثاري منه حبيبي كيف اباخذ ثـار
ومع غـدره وطعناتـه غرامـه ساكـنٍ فينـي
ولا ظني انا بنساه لـو اتعالـج بوسـط شهـار
عرفتو يابشر هالحيـن ليـه الدمـع فـي عينـي ؟؟
عذرتوني على جسمي عذرتو عقلي اللـي طـار
وامانـه يابشـر تكفـون اذا منكـم يلاقينـي
لايسألني وش الباقي من اللـي بدنيتـي اسـرار
لاني لو انـا بحكـي جميـع اللـي انـا فينـي
ياناس عقولكم والله بتلحق عقلـي اللـي طـار

ــــــــــــــــــــــــــــــــــــــالتــــــو قــــــيــ ع ــــــــــــــــــــــــــــــ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://love-story.3rab.pro
 
عرفتوا يابشر هالحين ليه الدمع في عيني..
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قصص الحب :: منتديات الـثـقـافـيـه والأدبـيـة :: الـــ قـصـائـد أعـجـبـتـنـي ــحـب-
انتقل الى: